Свечено доделување награди на затвореното шаховско првенство во Македонска Каменица
Во организација на Шаховски клуб Саса, во Македонска Каменица се одржа свечено доделување на наградите за затвореното шаховско првенство, со учество на натпреварувачи во четири категории – пионери, младинци, жени и сениори.
На настанот обраќања имаа претседателот на ШК Саса, Лазо Стаменковски, и градоначалничката на Општина Македонска Каменица, Соња Стаменкова, кои воедно ги доделија наградите на најуспешните учесници. Тие ја истакнаа важноста на шахот како спорт кој поттикнува логичко размислување, дисциплина и меѓугенерациско поврзување.
Покрај наградите, на најмладите членови им беа доделени и новогодишни пакетчиња, што придонесе за празнична и радосна атмосфера.
Организаторите изразија задоволство од интересот и учеството, упатувајќи честитки до сите натпреварувачи и желби за среќни празници и успешна Нова година.
