ППК САСА, во соработка и под покровителство на Општина Македонска Каменица, организира два значајни спортски настани кои ќе се одржат во спортската сала при О.О.У. „Св. Кирил и Методиј“ – Македонска Каменица.
На 23 мај 2026 година ќе се одржи Отвореното првенство на Македонска Каменица во пинг-понг, на кое право на учество имаат исклучиво жители на Општина Македонска Каменица.
За најдобрите натпреварувачи се обезбедени:
пехари
медали
дипломи
пофалници
Пријавувањето за учество е отворено до 22 мај 2026 година, кај:
Ждрепката за Отвореното првенство ќе се одржи на денот на натпреварувањето.
Покрај локалното првенство, на 24 мај (недела) со почеток од 10:00 часот, во спортската сала при училиштето ќе се одржи и Национален турнир во пинг-понг, на кој ќе настапат 32 регистрирани и активни натпреварувачи кои се натпреваруваат во државното првенство и лигашките натпреварувања.
Овој турнир има посебно значење бидејќи за првпат Македонска Каменица ќе биде домаќин на национален пинг-понгарски турнир.
За најуспешните учесници на националниот турнир се обезбедени:
парични награди
пехари
медали
дипломи
Ждрепката и за Националниот турнир ќе се одржи на денот на натпреварувањето.
Натпреварите на 24 мај ќе се одвиваат во периодот од 10:00 до 18:00 часот, а од ППК САСА упатуваат повик до сите граѓани, љубители на спортот и поддржувачи на пинг-понгот да присуствуваат и да бидат дел од овој спортски викенд во Македонска Каменица.
