На 17 јуни 2026 година, во 16:25 часот, полициски службеници од ОВР Делчево, при вршење сообраќајна контрола на улицата „Индустриска“ во Македонска Каменица, го привеле М.Т. (64) од Македонска Каменица.
Како што информираат од Министерството за внатрешни работи, при контролата било констатирано дека М.Т. управувал патничко моторно возило „Мерцедес“ со регистарски таблички од Македонска Каменица, под дејство на алкохол, при што му биле измерени 1,89 промили алкохол во крвта.
Од МВР информираат дека по целосно документирање на случајот ќе биде поднесена соодветна кривична пријава.
Од Министерството повторно апелираат до сите учесници во сообраќајот да ги почитуваат сообраќајните правила и прописи и да не управуваат возило под дејство на алкохол, со цел зголемување на безбедноста во сообраќајот.
