Во празничниов период, пораките за среќна, бериќетна, весела, исполнета, успешна и љубовна Нова година пристигнуваат.
Најважна е мислата зад честитката, но начинот на кој ги искажувате вашите најубави и најискрени желби исто така е важен – особено кога им посакувате среќни празници на деловните соработници, клиенти или спонзори.
Писменоста е елемент кој многумина го забележуваат, а кај потенцијалниот партнер може да остави голем впечаток. Затоа двапати проверете го правописот пред да ја испратите честитката.
Имајте на ум дека имињата на празниците се пишуваат со голема буква само првиот збор, освен ако не се лични имиња. На пример: Први мај, Нова година, Божиќ/Божик, Бајрам, Единаесетти октомври, Осми септември (Кога пишувате бројка, првиот збор е со голема буква – 11 Октомври).
