Здружението на граѓани „Багери“ од Македонска Каменица по вторпат ја организира свечената манифестација „Избор на спортист на годината на Македонска Каменица за 2025 година“, посветена на најуспешните спортисти и спортски колективи од градот.
Во рамки на настанот ќе бидат доделени признанија и награди за постигнатите спортски успеси во текот на 2025 година, а програмата предвидува и промотивни и поздравни обраќања од истакнати личности од областа на спортот и од локалната заедница, како и пригодна културно-уметничка програма која ќе ја збогати свечената атмосфера.
Манифестацијата ќе се одржи во Домот на културата во Македонска Каменица, на 24 јануари 2026 година (сабота), со почеток во 17:00 часот.
Организаторите упатуваат покана до сите љубители на спортот и граѓани да бидат дел од овој значаен настан и заеднички да им се оддаде признание и честитки на најдобрите спортисти за 2025 година во Македонска Каменица.
Со почит, Звонко Прангов Претседател на ЗГ „Багери“ Македонска Каменица
