По сончевото и многу топло утро, во текот на денот ќе преовладува време со мала до умерена локална облачност.
Според прогнозата, во попладневните и вечерните часови се очекува развој на локална нестабилност, проследена со пороен дожд, грмежи и засилен ветер. На одделни места ќе има услови и за изолирано невреме со појава на град.
Ќе дува слаб до умерен ветер од северозападен правец, кој повремено ќе се засилува.
Во Скопје времето ќе биде сончево и многу топло со мала до умерена облачност, а попладне во делови од котлината се очекуваат пороен дожд, грмежи и засилен ветер.
Надлежните препорачуваат граѓаните да бидат внимателни доколку се најдат на отворено за време на нестабилното време и редовно да ги следат најновите временски прогнози.
