Според најновата временска прогноза, утре (28 мај) времето ќе биде променливо облачно со сончеви периоди, а во попладневните часови на повеќе места се очекува нестабилно време проследено со пороен дожд, грмежи и засилен ветер.
Метеоролозите предупредуваат дека локално процесите може да бидат поинтензивни и да преминат во невреме со:
пообилен пороен дожд
силен ветер над 60 km/h
интензивни грмежи
услови за појава на град
Во Скопје исто така се очекува променливо облачно време со сончеви периоди, а попладне нестабилност со дожд, грмежи и можност за краткотрајно невреме.
Од петок (29 мај) следува стабилизирање на времето. Денот ќе биде сончев со мала до умерена облачност и температури од 21 до 30 степени. Ќе дува слаб до умерен ветер од северен правец.
Сончево и топло време ќе преовладува и во сабота (30 мај), кога максималните температури ќе достигнат до 31 степен.
Најтопло се очекува да биде во недела (31 мај), со температури до 33 степени и претежно сончево време. Сепак, во попладневните часови повторно ќе има услови за локална нестабилност со пороен дожд, грмежи и засилен ветер.
По нестабилниот четврток, граѓаните ги очекува претежно сончев и топол викенд, со можност за краткотрајна нестабилност во недела попладне.
