Од 1 јули до крајот на летната сезона ќе важи забрана за движење во шумите и шумското земјиште низ државата, со цел спречување на појава и ширење на шумски пожари во периодот на високи температури и зголемен ризик од пожари.
Надлежните институции апелираат граѓаните да ги почитуваат мерките и да избегнуваат активности што можат да предизвикаат пожар, особено во денови со екстремно високи температури.
За непочитување на забраната се предвидени високи парични казни. Според информациите од надлежните институции, санкциите за физички лица можат да изнесуваат од 1.500 до 2.000 евра во денарска противвредност.
Одговорните служби потсетуваат дека и најмала невнимателност – фрлање отпушок од цигара, палење оган на отворено или користење пиротехника – може да предизвика сериозни последици врз шумите, животната средина и безбедноста на луѓето.
Граѓаните се повикуваат на максимална внимателност и одговорно однесување во текот на летните месеци, кога ризикот од избувнување шумски пожари е најголем.
