Променливо облачно време со повремени локални врнежи од дожд и на места засилен јужен ветер. Од утре се очекуваат врнежи од дожд и снег

Временска прогноза: Дожд, засилен ветер и снег во наредните денови

Денеска времето ќе биде променливо облачно со повремен локален дожд. Ќе дува умерен, а на места и повремено засилен јужен ветер.
Минималните температури ќе се движат од 7 до 11°C, додека максималните ќе достигнат од 11 до 14°C.

Скопје

Во главниот град времето ќе биде променливо облачно, со услови за повремен дожд. Ќе дува умерен ветер од јужен правец.
Минималната температура ќе се спушти до 9°C, а максималната ќе достигне до 13°C.

---

Прогноза за наредните денови

Среда – Се очекуваат врнежи од дожд, кои локално ќе бидат пообилни (над 25 л/м²), особено попладне и во текот на ноќта. Во западните делови врнежите ќе преминуваат во снег. Ќе дува засилен јужен ветер, со брзина над 60 км/ч.

Четврток – Поради продор на постуден воздух и засилен северен ветер, врнежите ќе бидат претежно од снег. Во западните региони се очекува формирање нова снежна покривка.

Петок – Се најавува преодно стабилизирање на времето.

Викенд – Повторно ќе има локални врнежи од дожд и снег.