Бензините поевтинуваат за два денара, дизелот и мазутот со иста цена

Бензините од ноќеска на полноќ поевтинуваат за два денара по литар, додека цените на дизелот и мазутот остануваат непроменети, одлучи Регулаторната комисија за енергетика. Малопродажните цени во просек се намалуваат за 1,08 отсто.

ЕУРОСУПЕР БС-95 ќе чини 71 денар, а ЕУРОСУПЕР БС-98 – 73 денари за литар. Цената на ЕУРОДИЗЕЛ БС останува 66,5 денари, екстра лесното масло 65,5 денари, а мазутот 32,64 денари за килограм.