Културно-информативниот центар „Романса“ од Македонска Каменица најавува театарска претстава која преку хумор и сатира ја прикажува реалноста на еден поинаков, но многу препознатлив начин.
На 23 април 2026 година, во Домот на културата во Македонска Каменица, публиката ќе има можност да ја проследи комедијата „ЈЗУ Европа“, во режија на Кристина Атанасова Арсова. Станува збор за претстава која низ комични ситуации и впечатливи ликови отвора сериозни теми, но ги доближува до гледачот на лесен и духовит начин.
Преку смеа, иронија и препознатливи секојдневни моменти, „ЈЗУ Европа“ нуди повеќе од забава – нуди и поглед кон реалноста кој ќе ве насмее, но и ќе ве натера да се замислите.
Почетокот е во 19:00 часот, а цената на билетот изнесува 100 денари.
Поради ограничениот број на места, се препорачува да пристигнете порано.
