Општина Македонска Каменица ја информира јавноста дека во текот на утрешниот ден, со почеток во 8:30 часот, ќе биде спроведена организирана акција за заловување на бездомни кучиња на територијата на општината.
Активноста ќе ја реализира овластената фирма Друштво за услуги „ВЕТЕРИНАРНА СТАНИЦА“ ДООЕЛ Виница, согласно важечките законски прописи и стандарди за хумано постапување со животните.
За спроведување и координација на активностите од страна на Општина Македонска Каменица е задолжен Мартин Анастасовски, на чиј телефонски број граѓаните можат директно да пријавуваат појава на бездомни кучиња: 📞 070 298 144
Општината апелира до граѓаните за соработка и разбирање, со цел унапредување на јавната безбедност и обезбедување хумано и одговорно постапување со животните.
