Македонската А репрезентација ќе го игра својот клучен натпревар за пласман на Светското Првенство 2026 против Данска на 26 март, на легендарниот стадион „Паркен“ во Копенхаген.
Фудбалската федерација на Данска обезбеди специјални блокови и цени за нашите навивачи:
- Гостински навивачи: Блок D1 – до 1.750 седишта, Цена: 3.650 денари
- Гостински навивачи со попреченост: Блок D1 – 6 позиции за корисници на инвалидски колички, Цена: 3.650 денари
Навивачите можат да ги купат билетите директно преку платформата на ФФМ на eticket.ffm.mk.
По завршување на купувањето, секој ќе добие потврда преку е-пошта, врз основа на која ќе биде издаден официјалниот билет. Електронските билети ќе пристигнат 14 дена пред натпреварот, за сите навивачи безбедно да ги преземат и да се подготват за поддршка на националниот тим.
Ова е уникатна шанса за македонските навивачи да бидат дел од историјата и да го бодрат тимот во еден од најважните натпревари за пласман на Светското Првенство.
