Видеото со елените ја разбуди јавноста: Како се грижи Галичица за над 200 единки

По големиот интерес во јавноста што го предизвика неодамна објавеното видео со елените, Националниот парк Галичица информира дека популацијата на елени во репродуктивниот центар, отворен во 2019 година, е зголемена од околу 30 на над 200 единки.

Од Паркот на својот фејбук профил објавија фотографии и појаснија дека грижата за елените е секојдневна и добро организирана.