Во текот на изминатото деноноќие, полициските службеници на целата територија на државата привеле 16 возачи поради безобѕирно управување со моторно возило, а меѓу нив е и возач од Македонска Каменица кој бил затекнат како управува возило под дејство на алкохол.
Според информациите од Министерството за внатрешни работи, од вкупно 16-те приведени возачи, 11 управувале возила без возачка дозвола, четворица биле под дејство на алкохол, а едно лице управувало возило под дејство на алкохол и покрај активна забрана за управување.
Покрај возачот од Македонска Каменица, под дејство на алкохол биле затекнати и возачи од Општина Дебарца, Кавадарци и Кочани, при што кај некои од нив биле измерени високи концентрации на алкохол во крвта.
Од МВР информираат дека по целосното документирање на случаите против сите лица ќе бидат поднесени соодветни кривични пријави.
Од полицијата апелираат до сите учесници во сообраќајот да ги почитуваат сообраќајните правила и прописи и да не управуваат возило под дејство на алкохол или без соодветна возачка дозвола.
