Малолетник бил физички нападнат во Македонска Каменица, информира Министерството за внатрешни работи во денешниот полициски билтен.
Според информациите од МВР, на 24 јули 2026 година, во 22:20 часот, во Полициското одделение во Македонска Каменица, 39-годишната К.Ч. од селото Моштица пријавила дека околу 21:30 часот во градот нејзиниот малолетен син бил физички нападнат од друг малолетник.
Од Министерството за внатрешни работи соопштија дека се преземаат мерки и активности за целосно расчистување на случајот. По неговото документирање ќе биде поднесен соодветен поднесок.
